Ja Divya, Jee Le Apni Zindagi — Aur Maine Sach Mein Jeena Shuru Kar Diya
Kabhi socha tha,
ek din aisa bhi aayega…
jab lagega —
mera ek sapna toh jaise poora sa ho gaya…
Life mein jis cheez ko dil se chaha,
wo bas milti chali gayi —
kabhi jaldi, kabhi der se…
But mili zaroor.
Shayad isi liye kehte hain —
sabka waqt aata hai… bas sahi waqt pe.
Mere dreams kabhi bade nahi the,
na tab, na ab…
choti choti khushiyon mein hi
main apni happiness dhoond leti hoon.
Aur aaj jab sochti hoon,
toh lagta hai —
Itna sab kaise mil gaya?
Phir dil kehta hai —
yeh sab unki blessings se hi ho raha hai.
Bade logon ka ashirvaad…
parents and in-laws —
meri mummy aur maa jaisi meri saas ka pyaar,
aur papaon ka saath…
unki blessings hi toh hain
jo har raasta aasan bana deti hain.
Aapke apne log —
chahe wo rishtedaar ho, friends ya sisters…
unka saath hi zindagi ko
Sabse strong pillar aur asli strength deta hai.
Unke lectures,
unka bina condition wala support,
unka har waqt saath rehna —
yeh sab milkar zindagi ko
aur bhi khoobsurat bana deta hai.
Aur upar se
God’s blessings —
jo har pal mehsoos hoti hain.
Aajkal mera favourite song bhi
meri life jaisa hi lagta hai —
“Mera aapki kripa se, sab kaam ho raha hai…”
Aur sach mein,
Sab kuch waise hi ho raha hai.
Apna ghar…
pehle bhi tha,
but this time…
It feels different.
Har eenth apni pasand ki,
har kone mein apni kahani —
aur is baar…
mental peace at its peak hai.
Bas…
jo mann kare wo karo,
Jaisa jeena hai waisa jiyo.
Kabhi kabhi lagta hai
jaise koi keh raha ho —
“Ja Divya, ja… jee le apni zindagi.”
Aur main bas dil se feel karti hoon —
haan… ab sach mein jee rahi hoon.
Perfect life shayad hoti nahi,
but aaj…
I am genuinely happy.
Aur phir…
mera chhota sa world —
hum teen — main, mere husband aur meri beti…
aur un dono ka bond itna pyaara hai
ki kabhi kabhi thodi si jealousy bhi ho jaati hai —
par shayad wahi toh asli pyaar hai.
Hum teenon ki ab
ek alag hi duniya ban rahi hai —
Jahan zyada waqt hai,
quality time hai,
better understanding hai,
aur sabse important —
ek doosre ka strong support hai.
Seekh jaayenge…
Shayad kuch galtiyan bhi karenge,
kyunki kabhi alag rehna seekha nahi…
par yeh bhi toh zindagi hi hai —
jo dheere dheere sab sikha deti hai.
Aur end mein…
bas itni si dua —
God bless everyone.
Khushiyan mile sabko —
chahe kam ho ya zyada…
par har kisi ke paas
Contentment zaroor ho.
Kyuki jab yeh aa jaata hai,
tab dil kehta hai —
“Haan… ab sab theek hai.”
Bas… thoda ruk kar jeena seekhiye. ✨
